على
- المكتوب ابتدت سيره
سيرة حبيبه هي اغلى الحبايب
حبيبة كانت بحبي جديره
ومن حبها والله ابد ماني بتايب
تركت لجلها ديرتي والعشيره
وشديت رحلي وزودت الركايب
ودي اعرف حبي وش مصيره
مدري الهنا والا بداية مصايب
حطمت قلبي آهات كثيره
وشاب الشعر وانا ماني بشايب
قالوا ترى حظوظك فيها صغيره
مالك امل وخل عنك الطلايب
قلت احب واعشق مجدول الظفيره
وشعرها الاشقر لياهبت هبايب
تمنيت اللقا واسأل الله فضل خيره
والا مع الحرمان تروح روحي ذهايب
ماشوف مثلها في كل بنات الجزيره
من وصفها اصبح القلب ذايب
اكابد الرمضا صبح وظهيره
وافرح ليا شفت بشروقي سحايب
دام الشرقيه لمحبوبتي ديره
فانا هاوي الشرقيه وخاطري طايب
وان طالت حياتي بدونه قصيره
بعيش على ذكرى منثور الذوايب
: